Pötzchensmaat es anjesaat,
Minschemasse an de Kasse,
Stundelang stommer en d'r Schlang,
Dausend Mann sin noch vür mer dran.
Fünf Mark afjedröck,
hammer lang jespart
für die koote Fahrt.
Ren en de Kess - Anschnallpflich -
alles zo spät - Vergißmeinnich.
Hey, hey, schnall dich an,
fahr met mir op d'r Achterbahn.
hey, hey, du bes dran, fahr met mir Achterbahn.
Langsam fährt se an,
heiße Backe, Angs em Nacke,
Stoßjebet zweschen Himmel un Ääd,
freie Fall met Üvverschall,
Koma - Exitus,
hammer nit jewoß, wat dat Nerve koß.
Kopp zoröck en d'r Setz jedröck,
du säs zo mir - wie jeit et dir?
Hey, hey, schnall dich an,
fahr met mir op d'r Achterbahn.
hey, hey, du bes dran, fahr met mir Achterbahn.
Koot vür'm Eng - Zäng en de Häng,
Brell beschlage - kütt vum Mage.
Schöne Jroß vum Wienerwald,
... verdammp, do es et ald.
Schluß, aus, ich muß he 'raus,
Liebe' Mann, halt dat Dingen an.
Endstation - Transfusion,
Intensivstation - ich kumme schon.
Hey, hey, schnall dich an,
fahr met mir op d'r Achterbahn.
hey, hey, du bes dran, fahr met mir Achterbahn.
Textquelle: Bläck Föös, "Achterbahn"
09.09.2005
Pützchens Markt!
09.09.2005 15:53 / Kommentare (0) / Kommentieren? /
Kategorien: / Allgemein /